आधारभूमि संवाददाता
ललितपुर, २६ पुस
भ्रष्टाचार निवारण गरौं, सभ्य नागरिक बनौं भन्ने मुल नाराका साथ ललितपुरको महालक्ष्मी नगरपालिका वडा नं ७ नर्कटेमा सामाजिक विकासका लागि महिला अभियानको भवन उट्घाटन गरिएको छ ।
नवनिर्मित भवनको उद्घाटन प्रदेश नं ३ का माननिय सांसद माधव पौडेलको प्रमुख आतिथ्यतामा गरिएको हो । सो भवन निर्माणका लागि वडा नं ७ का वडाध्यक्ष नकुल थापाले करिब १ रोपनी जग्गा सहयोग गरेका थिए । साथै उक्त भवन निर्माणका लागि प्रदेश नं ३ का सांसद माधव पौडेलले प्रदेशको बजेटबाट ५० लाख रुपैयाँ उपलब्ध गराएका थिए ।
उद्घाटन कार्यक्रममा महालक्ष्मी नगरपालिकाका मेयर रामेश्वर श्रेष्ठ, उपमेयर निर्मला थापा लगायत नेकपाका नेता शिव कट्टेल, केदार के.सी, दशै वडाका वडाध्यक्ष तथा नगर सदस्यहरुको उपस्थिति रहेको थियो । कार्यक्रममा स्वागत मन्तब्य सोही संस्थाकी कला भण्डारीले गरेकी थिइन् भने सभाको सभापतित्व सुनिता पोख्रेलले गरेकी थिइन् ।
