काठमाडौ, पुुस २५
नैपाल बैंकको ६० औं बार्षिक साधारण सभा सम्पन्न भएको छ । बैंकले आज शुक्रबार शसत्र प्रहरी बलको सभाहलमा बार्षिक साधरण सभा सम्पन्न गरेको हो ।
सभाले गत आर्थिक बर्षको खुुद मुनाफा मध्येबाट १० प्रतिशतका दरले ९८ करोड ११ लाख १४ हजार ८ सय रुपैयाँ नगद लाभांश दिने प्रस्ताव पारित गरेको छ । यसैगरी सोही सभाले चुक्ता पूँजीको १५ प्रतिशतको दरले हुन आउने एक अर्ब ४७ करोड १६ लाख ७२ हजार २ सय रुपैयाँ बराबरको बोनस शेयर वितरण गर्ने निर्णय पनि पारित भएको छ ।
बैंकले सोही सभा मार्फत हाल कायम रहेको अधिकृत पूँजी १० अर्बबाट वृद्धि गरी १५ अर्ब कायम गर्ने र सोही अनुसार प्रबन्ध पत्रको सम्बन्धित दफामा संशोधन गर्ने प्रस्ताव समेत पारित गरेको छ ।
