काठमाडौं, २३ पुस
कपिलवस्तु र दोलखामा भएका छुट्टाछुट्टै सवारी दुर्घटनामा परी २ जनाको मृत्यु भएको छ ।
कपिलवस्तु, बाणगंगा नगरपालिका ११ देउपारस्थित सडकमा लु.१ च ९६२८ नम्बरको जिपले लु.१३ प १२५० नम्बरको मोटरसाइकललाई मंगलबार दिउँसो ठक्कर दिँदा गम्भीर घाइते भएका मोटरसाइकल चालक सोही ठाउँ बस्ने २८ वर्षीय कृष्ण थारुको सामुदायिक अस्पतालमा उपचारको क्रममा मृत्यु भएको छ । दुर्घटनामा घाइते भएका मोटरसाइकलमा सवार २७ वर्षीय कृष्ण प्रसाद थारुलाई थप उपचारको लागि सिटि अस्पताल बुटवल रिफर गरिएको छ ।
दोलखा, भिमेश्वर नगरपालिका ३ स्थित सडकमा ना.६ त १८१३ नम्बरको ट्याक्टर अनियन्त्रित भई मंगलबार राति दुर्घटना हुँदा गम्भीर घाइते भएका चालक भिमेश्वर नगरपालिका ३ बसपार्क डेरा गरी बस्ने रामेछाप नगरपालिका ४ घर भएका २२ वर्षीय यमराज मगरको धुलिखेल अस्पताल काभ्रेमा उपचारको क्रममा मृत्यु भएको छ ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
