काठमाण्डौ, पुस १५

महानगरीय प्रहरी प्रभाग बालकोटबाट खटिएको प्रहरी टोलीले लागुऔषध सहित १ जनालाई नियन्त्रण लिएको छ । प्रहरीले यही १४ गते १५ः०० मध्यपुर ठिमि नगरपालिका १ लोकन्थलीमा सोही ठाउँ बस्ने सर्लाही लालबन्दी नगरपालिका १ का धर्मेन्द्र कुसहवालाई चेकजाँचगर्दा १ सय ३७ ट्याबलेट नाईट्राभेट बरामद गरेको छ ।

यसै गरी महानगरीय प्रहरी परिसर भक्तपुरले मध्यपुर ठिमि नगरपालिका १ दुधपाटीबाट २ सय ग्राम गाँजा सहित दाङका साजन मगर र सिन्धुपाल्चोकका प्रबिन बस्नेतलाई नियन्त्रणमा लिएको छ । यसै गरी महानगरीय प्रहरी प्रभाग काडाँघारीबाट खटिएको प्रहरी टोलीले यही १४ गते १५ः०० बजे कागेश्वरी नगरपालिका ९ बाट पेप्सीकोला बस्ने रूपन्देहीका निरज श्रेष्ठ र धादिङका हरी तामाङलाई चेकजाँच गर्दा डाईजोपाम,नुफिन गरी १८ एम्पुल लागुऔषध बरामद गरेको छ । सबै घटना सम्बन्धमा प्रहरीले अनुसन्धान गरिरहेको जानकारी दिएको छ ।