काठमाडौं, १५ पुस
कैलाली, धनगढी उपमहानगरपालिका ४ बस्ने महेश पोखरेलको न्यू श्री गौतम स्टोरमा सोमबार राति आगलागी हुँदा उक्त स्टोर पूर्णरूपमा जलेर करिब ३५ लाख रुपैयाँ बराबरको धनमाल नष्ट भएको छ ।
बाँके, नेपालगंज उपमहानगरपालिका १ धम्बोजीस्थित राजकुमार थारुको नास्ता पसलमा सोमबार राति आगलागी हुँदा नास्ता पसल पूर्णरूपमा जलेर नष्ट भएको छ । आगालगीबाट भएको क्षतिको विवरण हाल खुल्न सकेको छैन ।
स्थानीयबासी र दमकलको सहयोगमा आगो नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
