महोत्तरी, पुस १०
बर्दिबास नगरपालिका ३ पाटुस्थित सडकमा ना.६ ख २६४५ नम्बरको ट्रकले बुधबार बिहान ग.६ प १७८९ नम्बरको मोटरसाइकललाई ठक्कर दिँदा मोटरसाइकल चालक सिन्धुली तीनपाटन गाउँपालिका १० बस्ने २१ वर्षीय टेक बहादुर तामाङको घटनास्थलमै मृत्यु भएको छ । दुर्घटनामा घाइते मोटरसाइकलमा सवार सिन्धुली तिनपाटन गाउँपालिका १० बस्ने २३ वर्षीय कुमार खातीलाई उपचारको लागि शुभस्वतिक अस्पताल बर्दिबासमा पठाइएको छ ।
फरार ट्रक चालकको प्रहरीले खोजी गर्नुका साथै यस सम्बन्धमा आवश्यक अनुसन्धान गरिरहेको छ
।
