काठमाडौं, मनघ २५
नेवाः हरुको सत्ता अभ्यासका लागि भन्दै नेवाः राष्ट्रिय परिषद् गठन गरिएको छ । काठमाडौंको कालिमाटीमा शुक्रबार कार्यक्रम आयोजना गरेर नेपाः मण्डलका नेता सुमन सायमीको संयोजकत्वमा १५ सदस्यीय परिषद्को सचिवालय गठन गरिएको हो ।
संयोजक सायमीले विज्ञप्ति जारी गरेर नेवाः लगायत ऐतिहासिक राष्ट्रियताहरू माथि इतिहासदेखि कायम रहेको औपनिवेशिकताबाट मुक्त गरेर सार्वभौमिकताको अभ्यास गर्ने परिषद्को मुख्य राजनीतिक कार्यभार रहने जनाएका छन् ।
सचिवालय सदस्यहरुमा रविन्द्रकुमार श्रेष्ठ, विकासबाबु श्रेष्ठ, शिवभक्त रञ्जित, कृष्ण मानन्धर, जिवपती श्रेष्ठ, इन्द्रप्रसाद श्रेष्ठ, सिवेश बज्राचार्य, कुमार श्रेष्ठ, अनित रञ्जितकार, अनु सायमी, रिना प्रधान र बेवी राज भण्डारी रहेका छन् ।
