काठमाडौं, मंसिर १९
पाटन दरबार स्क्वायरमा लैङ्गिक हिंसा सम्बन्धि चेतना सडक नाटक प्रदर्शन गरिएको थियो। यो कार्यक्रम परिवर्तनका लागि सहकार्य नेपालको आयोजनामा र ललितपुर महानगरपालिकाको समन्वयमा सम्पन्न भएको हो।
कार्यक्रमले “हामी सबैको प्रतिबद्धता: लैङ्गिक हिंसा अन्त्यका लागि एकता” भन्ने नाराका साथ १६ दिने लैङ्गिक हिंसा विरुद्धको अभियान अन्तर्गत आयोजित गरेकाे थियाे ।
सडक नाटकमा ४ वटा नगरपालिकाहरूको सहभागिता थियाे । नाटकले लैङ्गिक हिंसाविरुद्ध जनचेतना फैलाउने प्रयास गर्दै संस्थागत नारालाई पनि समेटेको थियो:
“अलिकति आवाज तिम्रो, अलिकति आवाज मेरो, आवाजले तोडौं लैङ्गिक हिंसाको घेरो”।
कार्यक्रमले समुदायलाई लैङ्गिक हिंसा अन्त्यका लागि एकजुट हुन प्रेरणा दिएको विश्वास गरिएको छ।
