ललितपुर, भदाै ३
आज विश्व फोटोग्राफी दिवस नेपालमा पनि विभिन्न कार्यक्रम गरी मनाइँदैछ।
प्रत्येक वर्ष अगस्ट १९ तारिखका दिन यो दिवस मनाउने गरिन्छ। १ सय ८५ औं विश्व फोटोग्राफी दिवस भएपनि नेपालमा भने सन् २०१० बाट मात्रै औपचारिक रुपमा यो दिवस मनाउन थालिएको हो।
राष्ट्रिय फोटो पत्रकार समूह (एनएफपिजे नेपाल) ले आज ललितपुरको पाटन दरवार क्षेत्रमा जलवायु परिवर्तनसंग सम्बन्धित रहेर ‘ह्वेन माउन्टेन स्माइल्स’ विशेष फोटो प्रदर्शनीको आयोजना गरेको छ।
ललितपुरका प्रमुख जिल्ला अधिकारी तुल्सीबहादुर श्रेष्ठले फोटो प्रदर्शनी उद्घाटन गरेका थिए।
