ललितपुर, साउन ३०
ललितपुर इमाडोलमा सडक भासिएको छ।
महालक्ष्मी नगरपालिका– ३ इमाडोलको बोझेपोखरी जाने बाटोमा सडक भासिएको हाे । सडकको झण्डै ३ मिटर क्षेत्रमा भ्वाङ परेको सवारी आवागमन अवरुद्ध भएको ललितपुर प्रहरी प्रवक्ता (एसपी) नरेशराज सुवेदीले जानकारी दिए।
उक्त सडकबाट नयाँपुल हुँदै काठमाडौंसमेत जोडिन्छ। अहिले उक्त सडकलाई पूर्ण रूपमा बन्द गरेको एसपी सुवेदीले बताए।
सडक भासिनुको कारण खुलेको छैन।
