ललितपुर, साउन २०
वर्षा र सहकालका देवता रातो मच्छिन्द्रनाथको जावलाखेलमा आइतबार भोटो देखाइएको छ ।
जावलाखेलमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री केपी शर्मा ओलीलगायतको उपस्थितिमा रातो मच्छिन्द्रनाथको भोटो देखाइएको हो।
भोटो देखाइएसँगै मच्छिन्द्रनाथलाई सानो खटमा राखी बुङमतीमा लगेर जात्रा समापन गरिन्छ ।
रातो मच्छिन्द्रनाथको रथलाई पुल्चोकबाट गावहाल, मङ्गलबार, टङ्गाल इटीटोल, कुमारीपाटी मानभवन हुँदै जावलाखेल ल्याइएको चार दिनपछि भोटो देखाएर जात्राको समापन गरिने प्रचलनअनुसार भोटो देखाइएको हो । यससँगै यस वर्षको रथयात्रा सम्पन्न भएको छ ।
