काठमाडौं, असार ६
बागमती प्रदेशसभा बैठक आज बस्दैछ । बैठक बिहान ११ बजे सुरु हुनेछ । बैठकमा आजदेखि आगामी आर्थिक वर्ष २०८१/०८२ को बजेटमाथि छलफल सुरु हुनेछ ।
प्रदेशसभा सचिवालयका सचिव कृष्णहरि खडकाले बैठकमा आगामी आर्थिक वर्षको बजेट वक्तव्य तथा विभिन्न मन्त्रालयलाई विनियोजन भएको बजेटमाथि छलफल हुने बताए । असार ८ गतेभित्र बजेट पारित गर्ने कार्यसूची छ ।
आर्थिक मामिला तथा योजनामन्त्री जगन्नाथ थपलियाले आगामी आर्थिक वर्षका लागि लागि रु ६४ अर्ब ५४ करोड चार लाख ३१ हजारको बजेट प्रस्तुत गरेका थिए ।
