ललितपुर, मंसिर २०
गोदावरी नगरपालिकाको भवनमा लैङ्गिक हिंसा विरुद्ध १६ दिने अभियानको अवसरमा लैङ्गिक हिंसा विरुद्ध गीत तथा कविता वाचन कार्यक्रम सम्पन्न भएको छ । लैङ्गिक हिंसा विरुद्ध १६ दिने अभियानको आयोजना परिवर्तनका लागि सहकार्य नेपालले गरेको थियो । लैङ्गिक हिंसा विरुद्ध गीत तथा कविता वाचन कार्यक्रमले जनचेतना तथा सन्देशमूलक ल्याएको छ । ‘लैङ्गिक हिंसा अन्त्यको सुनिश्चितताः महिला र बालबालिकामा लगानीको ऐक्यबद्धता’ भन्ने नाराका साथ सुरु भएको लैंगिक हिंसा विरुद्धको १६ दिने अन्तर्राष्ट्रिय अभियानमा उक्त कार्यक्रम गरिएको हो ।
यस प्रकारका कार्यक्रमहरूले समाजमा जागरूकता बढाउने र विशेष रूपमा महिलाहरू र बालबालिकाहरूलाई सुरक्षित बनाउने भएकोले यो १६ दिने अभियानको महत्त्व रहेको छ । हरेक वर्ष नोभेम्बर २५ देखि डिसेम्बर १० सम्म विश्वभर लैङ्गिक हिंसा विरुद्धको १६ दिने अभियान मनाउने गरिन्छ ।
चापागाउँ प्रहरी वृत्तका प्रहरी निरीक्षक गम्भिर जंग थापाले लैङ्गिक हिंसाको परिभाषा, हिंसा कसरी हुने, हिंसा भएमा उजुरी गर्ने, यातनाहरु, समजायहरुको बारे जानकारी दिए ।
परिवर्तनका लागि सहकार्य नेपाल
परिचय
परिवर्तनका लागि सहकार्य नेपाल, महिलाहरुद्धारा स्थापित भई सन् २०१६ मा जिल्ला प्रशासन कार्यालय ललितपुरमा दर्ता र समाज कल्याण परिषदमा आबद्ध रही सीमान्तकृत, विपन्न, जोखिम अवस्थामा रहेका महिला तथा बालबालिकाहरूको अधिकार र मर्यादाको प्रवर्द्धन र संरक्षणको लागि पैरवी गर्दै आएको एक अभियानमुलक गैर(सरकारी संस्था हो। मानव बेचबिखन, लैड्रिङ्कतामा आधारित हिंसा, संरचनागत विभेद, भेदभाव र दुर्व्यवहार विरुद्ध स्थानिय तथा राष्ट्रिय स्तरको निति निर्माण तह सम्म यस संस्थाले वकालत गर्दै आएको छ ।
लैङ्गिकतामा आधारित हिंसा, संरचनागत विभेद र मानव बेचबिखनको जोखिम न्यूनीकरणका लागि सुचना, शिक्षा, आर्थिक अवसर र सामाजिक न्यायलाई प्राथमिकतामा राखेर कार्यक्रम संचालन गर्न यस संस्थाले विशेष जोड दिंदै आएको छ ।
उद्देश्यहरू
समाजमा हुने लैङ्गिकतामा आधारित हिंसा, संरचनागत विभेद न्यूनिकरणका लागि महिला तथा किशोरीहरुको शिक्षा, न्यायमा पहुँच र राजनीतिमा अर्थपूर्ण सहभागिता बढाउन पहल गर्ने ।
सीमान्तकृत र विपन्न समूहका महिला र बालबालिकाहरूलाई यौन दुर्व्यवहार र शोषण मुक्त गराउन ज्ञान र सीपको विकास गर्दै आर्थिक अवसरहरु सिर्जना गर्ने ।
महिला र बालिकाहरूलाई यौन र प्रजनन स्वास्थ्य अधिकार बारेमा जनचेतना अभिवृद्धि गर्ने ।
आपतकालीन राहत सेवाहरूमा प्रकोप प्रभावित व्यक्तिहरूको पहुँच अभिवृद्धि गर्न उनीहरूलाई विपद न्यूनीकरण र अनुकूलन योजनाहरूमा सहभागी गराउने ।
