ललितपुर, कार्तिक २०
ललितपुरको पाटन अस्पतालमा इन्जेक्सनबाट औषधि दिएलगत्तै दुई बिरामीको निधन भएको छ ।
इन्जेक्सनबाट हिपारिन र सेफ्राएसम एन्टिबायोटिक औषधि दिएलगत्तै शनिबार साँझ ओखलढुंगाकी ९६ वर्षीया जनमाया राई र मकवानपुरका ६७ वर्षीय कृष्णबहादुर नगरकोटीको मृत्यु भएको हो ।
अस्पताल प्रशासनका अनुसार दुवै बिरामीलाई उच्च निमोनिया संक्रमण देखिएको थियो ।
शनिबार बिरामीको चेकजाँचका लागि राउन्डमा आएको नर्सको टोलीले बिरामीलाई इन्जेक्सनबाट औषधि दिएको थियो ।
मृतकका आफन्तले चिकित्सकको लापरवाहीका कारण बिरामीको निधन भएको आरोप लगाएका छन् ।
