ललितपुर, २० कार्तिक
ललितपुरको गाेदावरी नगरपालिकाले जाजरकोट र रुकुम पश्चिमका भूकम्पपीडितलाई २५ लाख रुपैयाँ सहयोग गर्ने भएको छ।
पीडितको उद्धार, राहत र पुनर्स्थापनाको लागि आफ्नो विपद् व्यवस्थापन कोषबाट २५ लाख रुपैयाँ उपलब्ध गराउने नगरपालिकाले निर्णय गरेको हो ।
जाजरकोट जिल्लाको रामीडाँडा केन्द्रविन्दु भएर शुक्रबार राति ११ः४७ मा गएको ६.४ म्याग्निच्यूडको भूकम्पका कारण जाजरकोट र रुकुम (पश्चिम) लगायतका क्षेत्रमा १५७ जनाले ज्यान गुमाइसकेका छन् । कराेडाैकाे भौतिक क्षति तथा सयौं संख्यामा घाइते भएका छन् ।
