ललितपुर, कार्तिक १९
ललितपुर महानगरपालिकाकाले भूकम्पबाट पीडित परिवारको उद्धार, राहत र पुर्नबासको लागि नगद ५० लाख सहयोग गर्ने निर्णय गरेको छ ।
कर्णाली प्रदेशका रुकुम पश्चिम,जाजरकोट लगायतका जिल्लामा गएको विनाशकारी भुकम्पमा परी असङ्ख्य जनधनको क्षती भएको हुँदा भुकम्प पीडितहरुलाई राहत तथा उद्धारको लागि ललितपुर महानगरले ५० लाख दिने निर्णय गरेको हो ।
जाजरकोट केन्द्रबिन्दु बनाएर शुक्रबार मध्यरातमा ६.४ रेक्टरको भुकम्प गएको थियो । भुकम्पबाट हालसम्म १५७ जनाको ज्यान गइसकेको छ, भने केही दर्जन घाइते भएका छन् ।
