काठमाडौं, कार्तिक १७

समाजिक सञ्जालबाट महिलाको फोटो दुरुपयोग गरी ठगी गर्ने दुई जना पक्राउ परेका छन् । काठमाडौं उपत्यका अपराध अनुसन्धान कार्यालयका प्रवक्ता तथा सूचना अधिकारी (प्रहरी उपरीक्षक) रविन्द्र रेग्मीले पक्राउ पर्नेमा मोरङको बिराटनगर-६ का २४ वर्षीय गौरब जैन र भोजपुरको भोजपुर-९ का ३३ वर्षीय शैलेन्द्र श्रेष्ठ रहेको जानकारी दिनुभयो ।

समाजिक संजालमा फोनमार्फत् महिलालाई सम्पर्क गर्न सकिने र महिलाहरुको फोटोसमेत उपलब्ध गराएर छनौट गरे अनुसारको मूल्य तिरेपछि केटी उपलब्ध गराइने भन्दै समाजिक संजालमार्फत् ठगी गरेको आरोपमा प्रहरीले उनीहरुलाई बिहिबार बिराटनगरबाट पक्राउ गरेको हो ।

उनीहरुलाई थप अनुसन्धान तथा कारबाहीका लागि जिल्ला प्रहरी परिसर टेकु, काठमाडौं पठाईएको छ ।