ललितपुर, भदौ ३०
गोदावरीखोला क्षेत्र सरसफाइ अभियानको २३९ औं हप्ताको सचेतना मूलक सरसफाई कार्यक्रम अन्तर्गत भारदेउ, नल्लु खोलामा गरेको छ । राष्ट्रको लागि २ घण्टा स्वयं सेवा भावनाले सन्चालित सरसफाई अभियानमा सहयोग एवम् सहकार्य गरि भब्यताका साथ बृहत सरसफाई कार्यक्रम सम्पन्न भएको छ ।

कार्यक्रममा विशिष्ट व्यक्तित्व राष्ट्रिय गान का रचनाकार प्रदिप कुमार राई (ब्याकुल माइला) तथा बागमती अभियन्ता चित्र सुनुवार , कोन्जोसोम गाउँ पालिका वडा ५ भारदेउ का अध्यक्ष विजय कुमार स्याङतान, वडा सदस्यहरू, इलाका प्रहरी कार्यालय कोन्जोसोम प्रमुख प्रहरी निरीक्षक लगायत टिम, गोदावरी अभियन्ताहरु, भारदेउ खोला सरसफाई तथा संरक्षण समितिका सदस्यहरू, नल्लु खोला सरसफाई तथा संरक्षण समिति का सदस्यहरू, बिभिन्न संघ संस्थाका पदाधिकारी, स्थानीय सम्पूर्ण को सहभागीतामा भारदेउ खोला तथा नल्लु खोला मा सरसफाई गरेर सम्पन्न भएको अभियानकी संयोजक बेबी राजभण्डारीले जानकारी दिइन् ।