काठमाडौं, भदौ २५
नेपाल महिला फेडरेशनको ४४ औं स्थापना दिवस मैतिदेवीको सेतो पुल इन्दु भवनमा सम्पन्न भएको छ । ‘‘महिला अधिकारको सुनिश्चि गरौँ’’ भन्ने नाराका साथ नेपाल महिला फेडरेशनको स्थापना गरेका छन् ।
कार्यक्रमका प्रमुख अतिथि नेकपा (संयुक्त) उपाध्यक्ष तथा महिला विभागका प्रमुख लक्ष्मी देवी शाहा रहेकी छिन् । सो कार्यक्रममा नेपाल महिला फेडरेशनकी सह संयोजक मिना शाहाको अध्यक्षतामा भएको थियो । उनले आफूमा चेतना हुनुपर्ने र जुन समाजमा बस्नु हुन्छ त्यहाँ समस्या हुने भएकाले एक जुट भएर बस्न आग्रह गरे । समाजमा काम गर्न सजिलोका लागि पार्टिमा आवद्ध हुने र आफ्नो अधिकार सुरक्षित हुनुपर्ने बताइन् ।
अतिथिहरूमा जनवर्गीय सङ्गठनको प्रमुख मधु बि. सि, नेपाल युवा फेडरेशनको अध्यक्ष नवीन खडका, ट्रेड युनियनका अध्यक्ष गंगा राम खड्गी उपस्थितिमा कार्यक्रम सम्पन्न भएको थियो । स्थापना दिवसको अवसरमा संस्था प्रति सकारात्मक सामाजिक सञ्जाल अनलाइन मार्फत प्रचार प्रसार गरेकोले आधारभूमि डट कम मा आवद्ध पत्रकार इना महर्जनलाई पनि सम्मान गरेको छ ।
सो कार्यक्रम समापन पछि हरितालिका तिजको अवसरमा शुभकामना आदान प्रदान, दर खाने र तीज विशेष कार्यक्रम पनि गरेको थियो ।
पत्रकार इना महर्जनलाई सम्मान
