ललितपुर, २७ मंसिर
अर्कैको नाममा सवारी चालक अनुमतिपत्रको लिखित परीक्षा दिन आएका सल्यान घरभई हाल धादिङ नौबिसे बस्ने २२ वर्षीय अनजन खत्री समेत २ जनालाई बिहीवार दिउँसो प्रहरीले पक्राउ गरेको छ ।
ललितपुर महानगरपालिका १३ कुसुन्तीस्थित यातायात कार्यालयमा धनकुटा घरभई ललितपुर झरुवारासी बस्ने ४७ वर्षीय जुन बहादुर लिम्बुको नाममा परीक्षा दिन आएका उनीहरुलाई महानगरीय ट्राफिक महाशाखाबाट खटिएको प्रहरीले नियन्त्रणमा लिई अनुसन्धानका लागि महानगरीय प्रहरी वृत सातदोबाटोमा बुझाएको छ ।
यस सम्बन्धमा प्रहरीले थप अनुसन्धान गरिरहेको छ ।
