काठमाडौं, साउन १४
आज ४ वटा संसदीय समितिको बैठक बस्दैछ । बिहान ११ राष्ट्रिय सरोकार तथा समन्वय समितिको बैठक बस्दैछ भने महिला तथा सामाजिक मामिला समितिको बैठक पनि बिहान ११ बजे नै बस्दैछ । त्यस्तै दिउँसो २ बजे विधायन व्यवस्थापन समितिको बैठक र दिउँसो १ बजे सार्वजनिक लेखा समितिको बैठक बस्दैछ ।
जसमा राष्ट्रिय सुरक्षाको अवधारणा, सिद्धान्त, अवस्था, राष्ट्रिय तथा अन्तर्राष्ट्रिय अभ्यासको तुलनात्मक अध्ययन, प्रमुख सवाल, समस्या तथा सुधारका उपाय लगायतका विषय र परराष्ट्र सम्बन्धको अवधारणा, सिद्धान्त, अवस्था, प्रमुख सवाल, समस्या तथा सुधारका उपाय लगायतका विषयमा राष्ट्रिय सरोकार तथा समन्वय समितिमा छलफल हुनेछ ।
त्यस्तै, महिला तथा सामाजिक मामिला समितिको बैठकमा समाज कल्याण परिषद्को प्रस्तुति र छलफल सम्बन्धमा छलफल हुनेछ ।विधायन व्यवस्थापन समितिको बैठकमा भने विद्युतीय व्यापार विधेयक, २०८० का सम्बन्धमा विज्ञहरूसँग छलफल हुनेछ ।
त्यस्तै, सार्वजनिक लेखा समितिको बैठकमा उपसमितिले पेश गरेको समितिको आन्तरिक कार्यविधिका बारेमा छलफल हुनेछ ।
