काठमाडौँ २७ असार
ललिता निवास जग्गा प्रकरणमा समरजंग कम्पनीका तत्कालीन सहलेखापाल विनोद पौडेल पक्राउ परेका छन् । गृह मन्त्रालय मातहतको सो कम्पनीका तत्कालिन सहलेखापाललाई १४ आना घूस लिएको आरोप लागेको छ ।
नेपाल प्रहरीको केन्द्रीय अनुसन्धान ब्यूरो ९सीआईबी०ले बुधबार दिउँसो काठमाडौंको गोकर्णबाट उनलाई नियन्त्रणमा लिएको हो । पौडेलले किर्ते कागजात तयार पारी ललिता निवासको जग्गा व्यक्तिका नाममा पुर्याउन सघाए वापत सूवर्ण शमशेर राणाका भोगाधिकारीबाट १४ आना जग्गा नै घूस लिएको प्रहरी अनुसन्धानमा खुलेको छ । पौडेलले पत्नी विद्या गौतम पौडेलका नाममा १४ आना घूस लिएको अनुसन्धानमा खुलेको छ ।
पौडेलले समरजंग कम्पनीको नाममा रहेको जग्गा व्यक्तिको भनी किर्ते फाइल तयार पारेर भूमि व्यवस्था विभागलाई पठाएका थिए । त्यसपछि पौडेलले तयार पारेको पत्र विभागबाट सदर गरी मालपोत कार्यालय डिल्लीबजार पठाइएको प्रहरीले जनाएको छ ।
