काठमाडौं, असार २६
पशुपतिनाथ मन्दिरमा जलहरी स्थापना गर्दा टुक्राटाक्री रुपमा रहेका ६२३ ग्राम सुन सोमबार अख्तियार दुरुपयोग अनुसन्धान आयोगलाई बुझाइएको छ ।
पशुपति क्षेत्र विकास कोष स्रोतका अनुसार मन्दिरमा जलहरी स्थापना गर्दा त्यो परिणाममा सुन टुक्राटाक्री रुपमा भेटिएको थियो ।
उक्त करिब ६२३ ग्राम अर्थात साढे ५३ तोला सुन सोमबार कोषले अख्तियार दुरुपयोग अनुसन्धान आयोगमा बुझाइएको हो ।
पशुपतिमा करिब १०७ किलोको सुनको जलहरी स्थापनाका क्रममा भ्रष्टाचार भएको भनी उजुरी परेपछि अख्तियारले उक्त जलहरी निकालेर नापजाँच गरेको थियो ।
