काठमाडौं,जेष्ठ १६
प्रधानमन्त्री प्रचण्डले भारत भ्रमण गर्ने तिथिमिति तय गरेर भ्रमणको तयारी गरिरहेको बेला भारतले नयाँ संसद भवनमा अखण्ड भारत भनेर निकालेको नबिन नक्शा(भित्ते चित्र)मा नेपालकाको लुम्बिनी र कपिलबस्तुलाई समेत गाभेर नक्शा प्रकाशित गरेको र संसद भवनमा राखिएको सम्वन्धमा नेपाल, भारत र बिश्वभरीकै पत्रकपत्रिकामा समाचार प्रकाशित भएका छन् ।
यो नेपालको सार्बभौमिक भू–अखण्डता माथिको नाङ्गो आक्रमण र गम्भीर कुरा हो भन्ने प्रष्ट छ । अत यस सम्वन्धमा नेपाल सरकारले नेपाली जनता समक्ष तत्काल यथार्थ खुलस्त र प्रष्ट पारोस् र भारतको यो जोर जबर्जस्तीको बिरोध जनाओस् र भाारत भ्रमण स्थगित गरोस भन्ने नेपाल कम्युनिष्ट पार्टी जोडदार माग गर्दछ ।
भारतले यस अघि पनि लामो समयदेखि नेपालको कालापानी क्षेत्रको भूमिमाथि अतिक्रमण गरिराखेको अन्ततः त्यो नेपालको भौगोलिक अखण्डत क्षेत्रको जमिन भारतमा गाभेको नक्शा बनाएर बिबादलाई अझ चर्काएको र नेपालका अनेक ठाउँ सीमा मिचेको कुरा सर्ब बिदितै छ । नेपालको जलश्रोतमाथि पनि भारतले कब्जा जमाइरहेको र नेपाललाई निरन्तर कमजोर तुल्याउने नेपालका श्रोत साधनमाथि थप कब्जा जमाउने क्रम जारी रहेको छ ।
यस पृष्ठभूमिमा दुइ देशका बीचको सम्वन्ध सुध्रिनको साटो झनपछिझन बिग्रदै गएको सन्दर्भमा प्रधानमन्त्रीको भारत भ्रमण सन्देहास्पद बन्दछ । अतः यो भ्रमणबाट नेपाललाई अझ अप्ठ्याराेमा पार्ने आशंका बढेेेकाे र हालालाई यो भ्रमण गरिनु उपयुक्त नहुने नेपाल कम्युनिष्ट पार्टीको स्पष्ट धारणा छ । यस्तो गम्भीर स्थितिमा नेपाली जनता सजग र संघर्षशील बन्नु बाहेक अरु बिकल्प छैन ।
