ललितपुर, चैत १४

गोदावरी नगरपालिका -११ चापागाउँ स्थित प्याङ्गाउँको सामुदायिक भवनमा चैत ११ गते देखि १७ सम्म निःशुल्क सात दिवसीय आ.म.श उपचार शिविर भइरहेको छ । आत्म, मन,शरीर (आ.म.श) सम्बन्धी प्राकृतिक वैकल्पिक उपचार विधिबाट यस शिविरमा ३४ जना हिलरहरुमार्फत हिलिङ प्रविधिबाट उपचार भइरहेको छ ।

स्वर्गिक मार्ग संघ नारी नेपाल उपत्यका शाखाको आयोजनामा उक्त शिविर सञ्चालन गरेको हो । ५०० जना भन्दा बढिले सेवा लिइसकेको आयोजकले जानकारी दिए । कार्यक्रम संयोजक चर सुन्दर महर्जनले चैत १८ गते शनिबारका दिन सर्वधर्म तथा विश्व शान्ति पूजा आध्यात्मिक प्रवचन भजन हुने बताए ।

उपचार हुने रोगहरु 

– प्यारालाइसिस

– ग्यास्ट्रिक, गानो गोला

– माइग्रेन

-उच्च रक्तचाप, सुगर

– युरिक एसिड, हातगोडा दुख्ने 

– खाना नपच्ने

– पिनास

– ढाडको समस्या

– नसा सम्बन्धी

– मानसिक रोग आदि