काठमाडौं, चैत १४

नेपाली बजारमा आज मंगलबार सुनको भाउ घटेको छ । नेपाल सुनचाँदी व्यवसायी महासंघका अनुसार सुनको मूल्य १ हजार रुपैयाँले घटेको छ ।

योसँगै आज छापावाला सुनको मूल्य प्रतितोला  एक लाख ८ हजार रुपैयाँ कायम भएको छ । त्यस्तै, तेजाबी सुनको मूल्य प्रतितोला एक लाख ७ हजार पाँच सय रुपैयाँ कायम भएको छ ।

यता, चाँदी पनि ५ रुपैयाँले घटेको छ । आज चाँदी प्रतितोला एक हजार ३ सय पचपन्न रुपैयाँमा कारोबार भइरहेको महासंघले जनाएको छ ।