काठमाडौं, २ साउन
आज सुनको मूल्य बढेको छ । आइतबार तोलामा ९३ हजार ६०० मा कारोवार भएको छापावाल सुन आज प्रतितोला ४०० ले बढेर ९४ हजारमा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ४०० ले बढेर ९३ हजार ५०० मा कारोवार भएको छ । यस अघि आइतबार तेजावी सुन रु ९३ हजार १०० मा कारोवार भएको थियो ।
आज चाँदीको मूल्य अघिल्लो कारोबार मूल्यका तुलनामा प्रतितोला रु ५ ले बढेर रु एक हजार १६५ तोकिएको महासङ्घले जनाएको छ ।यस अघि आइतबार चाँदी रु एक हजार १६० मा कारोवार भएको थियो ।
