काठमाडौं ,१३ जेठ
काठमाडौं महानगरपालिकाका नवनिर्वाचित मेयर बालेन शाहले काठमाडौंलाई विश्वकै उत्कृष्ट सहर बनाउने वताएका छन् ।
काठमाडौंको स्वतन्त्र मेयरमा निर्वाचित भएपछि पहिलो सम्बोधन गर्दै उनले सबै मिलेर काठमाडौंलाई देशको मात्र नभएर विश्वकै सुन्दर र उत्कृष्ट नगर बनाउने प्रतिवद्धता व्यक्त गरेका छन् ।
उनले भने ‘हामी सबै मिलेर अब काठमाडौंलाई देशको मात्र नभएर विश्वकै सुन्दर र उत्कृष्ट नगर बनाउन सबैले सहकार्य गर्नेछौं भन्ने आशा राखेका छौं’, ।
फरक पृष्ठभूमिबाट देशकै प्रमुख स्थानीय निकायको बागडोर सम्हाल्न पुगेका बालेन शाहप्रति महानगरबासीमा मात्र होइन देशभर उत्साह देखिएको छ । आफ्नो जितलाई सुरुवातको रुपमा लिएको वताउदै उनले विजय भन्दा पनि सहकार्यको माध्याकबाट भिजन र एजेण्डासहित पाँच वर्षकाम गर्ने उल्लेख गरेका छन् ।
