काठमाडौ १३ जेठ
काठमाडौं महानगरपालिकाको मेयरमा स्वतन्त्र उम्मेदवार बालेन शाह निर्वाचित भएका छन् भने उपमेयरमा एमालेकी सुनिता डंगोल विजयी भएकी छन् ।
लौरो चिह्नबाट स्वतन्त्र उम्मेदवारका रूपमा मेयर पदका उमेदवार बनेका बालेनले ६१ हजार ७६७ मत ल्याएको निर्वाचन आयोगले जनाएको छ । त्यस्तै कांग्रेसकी मेयर उम्मेदवार सिर्जना सिंहले ३८ हजार ३४१ मत ल्याएकी छन् भने एमालेका केशव स्थापितले ३८ हजार ११७ मत पाएका छन्।
बालेनले आफ्ना निकटतम् प्रतिद्वन्द्वी कांग्रेसकी सिर्जना सिंहभन्दा २३ हजार ४२६ मत धेरै ल्याएका छन्। त्यस्तै तेस्रो स्थानमा रहेका एमालेका स्थापितभन्दा २३ हजार ६५० मत बढी पाएका छन्।
त्यस्तै उपमेयर सुनिता डंगोल ६८ हजार ६१२ मतसहित विजयी हुन् । । सुनिताका प्रतिद्धन्दी गठबन्धनतर्फका नेकपा एकीकृत समाजवादी रामेश्वर श्रेष्ठले २३ हजार ८०५ मत ल्याएका छन् ।
निर्वाचन आयोगको अनुसार बिहीबार ३२ वटै वडाको मतगणना सकिएसँगै उनीहरु निर्वाचित भएका हुन्।
