आधारभूमि संवाददाता
ललितपुर २७ बैशाख
देशैभर स्थानीय निर्वाचनको प्रचारप्रसारको लागि उम्मेदवारहरु घरदैलोमा व्यस्त छन्। आज चुनावी प्रचारको अन्तिम दिन हो । एमालेबाट गोदावरी नगरपालिकाको मेयरका गम्भीर बहादुर राना घरदैलोमा सहभागी हुने यस क्रममा गोदावरी नगरपालिकामा यसपटक एमालेको जीत लगभग पक्का भएको वताउनुहुन्छ । ।
टिकाभैरवका स्थानियबासी राना यसअघि उनी गोदावरी नगरपालिका वडा ६ को सदस्य पदमा निर्वाचित हुनुभएको थियो। जिल्ला समन्वय समितिको अध्यक्षमा वडा सदस्यमा चुनाव लडेर जितेका राना नेकपा एमाले जिल्ला कमिटिका सदस्य तथा आर्थिक विभाग प्रमुख हुनुहुन्छ ।
२०५४ सालदेखि एमालेमा रहेर राजनीतिक यात्रा सुरु गरेका राना २०५४ मा जिल्ला विकास समितिको सदस्य भएका थिए। अहिले पनि राजनीतिमा सकृय सहेका राना मगरले नगरमा गर्नुपर्ने थुप्रै कामहरु देखेर आफू मेयरको प्रत्याशी वनेको बताउनुभयो ।
उहाँले खानेपानी, सडक र ढल व्यवस्थापन लाई मुख्य एजेण्डा बनाउनुभएको छ । जीन्दगीको लामो समय राजनीति र जनताको सेवामा खर्चिएको साक्षी रहेका नगरबासीहरु नै जीतको प्रमुख आधार भएको उहाँ वताउनुहुन्छ ।
