आधारभूमि संवाददाता

दिल्ली , २७ बैशाख

अध्ययन, रोजगारी तथा व्यापार व्यवसायको सिलसिलामा भारतको दिल्लीमा बस्दै आएका नेपालीहरु स्थानीय निर्वाचनमा मतदान गर्नको लागि धमाधम नेपाल फर्कन थालेका छन् । यही वैशाख ३० गते हुने स्थानीय तहको निर्वाचनमा भाग लिन भारतको नयाँदिल्लीबाट मात्र दैनिक ५ सयको हाराहारीमा नेपालीहरु मतदान गर्नकै लागि स्वदेश फर्किन थालेका छन् । लक्ष्मण जस्तै थुप्रै नेपालीहरुले आफूलाइ मन परेको उमेदवार छान्नको लागि एक दुइ साताको विदा मिलाइ नेपाल जान लागेको बताउँछन् ।

रोजगारीको लागि वाध्यतावस यहाँ बस्नुपरेको हो, मन जती नेपालमै छ, अहिले त झन् चुनावको वेला कतिखेर नेपाल पुगौला जस्तो भएको छु दिल्लीबाट सोमबार बिहान नेपाल जान लागेका लक्ष्मण अधिकारीले भन्नुभयो (ुपाँच वर्षमा भोट हाल्ने मौका पाइएको छ जसरी पनि जानु पर्यो नि ।

उनीहरु स्थानीय तहको नेतृत्व चयनका लागि आफ्नो मताधिकार प्रयोग गर्दे आफ्नो पालिकाको नेतृत्व आफैले छान्नपर्छ भन्दै परिवार सहित स्वदेश फर्कन थालेका हुन् । निर्वाचनको मिति नजिकिँदै जाँदा नेपाल फर्कनेको लर्को बढ्न थालेको छ ।

ुहामी त स परिवार आफ्नो मताधिकार प्रयोग गर्न १५ दिनको बिदा मिलाएर जान लागेका हौं, दिल्लीबाट बुटवल जाने क्रममा लक्ष्मणले भन्नुभयो, ( ुनिर्वाचनमा आफ्नै छिमेकी उठेका छन् उनलाई जिताउने कर्तव्य हाम्रै हो मतदान गर्न त जानु पर्यो नि, । पछिल्लो एक सातायता अन्य समयभन्दा बढी नेपाली स्वदेश फर्कन थालेको यहाँका यातायात व्यवसायी वताउँछन् ।

दिल्लीबाट भोट दिनकै लागि स्वदेश फर्कनेहरु मतदान गर्ने अधिकार प्रयोग गरेर सक्षम नेतृत्व चयन गर्न मतदान गर्ने वित्तिकै पुन दिल्लीमै फर्केर आफ्नो कर्ममा लाग्ने वताउँछन् । नेपाल भारत मैत्री बस सेवा सञ्चालन गर्दै आएका यातायात व्यवसायीहरु चुनावको मिती नजिकीएसंदै दैनिक ४र ५ सयको दरले नेपालीहरु भोट दिनकै लागि नेपाल जाने गरेको वताउँछन् ।

२०१० देखि दिल्लीमा रहेर दिल्ली बुटवल बस सेवा सञ्चालन गर्दै आउनुभएकी चाचाचाची टुर एण्ड ट्राभलकी सञ्चालक उषा लम्सालले एक साता यता देखि हरेक दिन बिहान ४ वटा र वेलुका ३ बटा बस नेपाल जाने गरेको बताउनुभयो । उहाँले नेपालमा चुनावको माहोल बढेसंगै यहाबाट भोट दिन भन्दै स(परिवार नेपाल जाने गरेको वताउनुभयो । उहाँले भन्नुभयो विहान र वेलुका गरी दिल्लीको सरोजनी नगरबाट वुटवलको लागि दैनिक ७ वटा बसमा लगभग ५ सय यात्रु जान्छन् , यतिवेला त यात्रुुहरु बसमा कोचाकोच गरेरै भएपनि जाने गरेका छन् । पहिले भने दैनिक बढिमा एक सय ५० यात्रुहरु नेपाल जाने गरेको उहाँको भनाइ छ ।

विभिन्न पेशा व्यवसाय गरेर दिल्लीमा बस्दै आएका नेपालीहरु भोट हाल्नको स(परिवार नेपाल जान थालेपछि दिल्ली यातायात व्यवसायीलाई नेपालीलाई आरामदायी र सुरक्षित सिट मिलाइदिन भ्याइनभ्याइ भएको छ । कतिपय त बसको सिट नपाएर उभिएर जाने गरेको व्यावसायीहरु वताउँछन् । आइतबार ४५ सिटका ७ बटा बस भरिएपछि ४ जना वुटवल जाने नेपाली बसको सिट नपाएर उभिएरै गएको यातायात व्यावसायी सरोज लम्सालले वताउनुभयो ।

मतदान गर्नको लागि भारतका विभिन्न स्थानमा छरिएर रहेका नेपालीहरु सडक मार्ग हुँदै नेपालका सुनौली कृष्णनगर, रुपेडिया, लुम्वीनी लगाएतका नाकामार्फत नेपाल छिर्ने गर्छन् । सिमा नाकामा रहेको हेल्थ डेक्समा स्वास्थ्य जाँच गराइ स्वदेश छिरेको यात्रुहरु वताउँछन् । शनीबार दिल्लीबाट लुम्वीनी नाका हुँदै काठमाडौ गएका विनोद शर्माले सीमामा रहेको स्वास्थ्य सहायता कक्षमा चेकजाँच गराइ नेपाल प्रवेश गरेको बताउनुभयो ।

चुनावको मिति नजिकीदै जाँदा उमेदवारहरु घरदैलो कार्यक्रममा व्यस्त छन् भने मतदाता पनि मतदान गर्न आ आफ्नो पालिका फर्कदै छन् । सरकारले भारत तथा चिन संगको नाका खुला गरेपछि यात्रुहरुलाई नेपाल प्रवेश गर्न सहज भएको छ । चीन र भारतसँग जोडिएका नेपालका ४२ जिल्लाका सीमा नाका खुल्ला भएकोले सडक मार्गबाट यात्रा गर्नेलाई त सुविधा भएको छ तर सिमामा आवागमनको व्यवस्पनन गर्न भने चुनौती हुने गरेको सिमाका प्रशासन कार्यालयहरुले जनाएका छन् ।

यसैविच सरकारले मंगलबार रातिदेखि ७२ घण्टासम्मका लागि अन्तर्राष्ट्रिय सीमा नाका बन्द गर्ने निर्णय गरेको छ । गुह मन्त्रालयले सीमावर्ती जिल्लाका प्रशासन कार्यालयहरुलाई मंगलबार मध्यरातिदेखि सीमा नाका बन्द गर्न भनिसकिएको जनाएको छ ।

स्थानीय तह निर्वाचन सुरक्षाका लागि मंगलबार मध्यरातिदेखि मतदान हुने दिनसम्मका लागि सीमाबाट हुने आवागमन बन्द गर्न लागिएको जनाइएको छ । सिमानाका बन्द हुनु अघि नै नेपाल छिरीसक्नुपर्ने भएकोले भिड बढेको हो ।

कोरोना संक्रमणका कारण लकडाउनसँगै बन्द गरिएका चीन र भारततर्फका ३० वटा नाकालाई सरकारले गत माघ देखि खुला गरेको थियो । कोरोनाको समयमा यसअघि १४ नाका खोलिएकामा माघ ११ को मन्त्रिपरिषद्ले थप १६ नाका खुलाउने निर्णय गरेको थियो । भारततर्फका धेरै नाका खुलको कारण पनि भारतमा रहेका धेरै नेपालीहरु सजिलै ओहोरदोहोर गर्न पाएका छन् ।

भारतसँग नेपालको प्रदेश ६ बाहेक सबै ठाउँ भारतसँग जोडिएको छ । करिब १ हजार ८ सय ८० किमि लामो खुला सिमाना नेपाल भारतको सिमा नका मध्ये अहिले तराईरमधेसका १० नाकाबाट नेपाली नागरिकहरु आवतजावत गर्ने गरेका छन् । त्यस्तै भारतीयसहित विदेशी नागरिकहरु भने स्थानीय प्रशासनको अनुमतिमा प्रवेशगर्ने गरेका छन् ।