आधारभूमि संवाददता
काठमाडौं २६ बैशाख
निर्वाचन आयोगले भोलि राति १२ बजेबाट मौन अवधि लागु हुँने जनाएको छ । वैशाख ३० गते स्थानीय तह निर्वाचन हुने निर्वाचनको लागि लागू गरिएको मौन अवधिको पूर्ण पालना गर्न आयोगले आग्रह गरेको छ ।
आयोगले मौन अवधिमा रानीतिक दल, नेता, उमेदवार, कार्यकर्ता तथा भातृ संगठनले के गर्न हुने र के गर्न नहुने जानकारी दिँदै आयोगले यसको प्रभावकारी कार्यान्वयनमा जोड दिएको छ ।
मौन अवधिभर निर्वाचन प्रचार–प्रसार कुनै नशालु पदार्थ वा मादक पदार्थ सेवन, राजनीतिक दल तथा उमेदवारको पक्षरविपक्षमा मतदानलगायत कुनै पनि प्रकारका छलफल गर्न नपाइने आयोगले जनाएको छ । सामाजिक सञ्जालको प्रायोग गरी पक्ष वा विपक्षमा प्रचार गर्न तथा भ्रामक सूचना प्रवाह गर्न पनि पाइने छैन ।
