ललितपुर २० बैशाख
ललितपुर महानगरपालिका पूूर्व मेयर बुद्दीराज बज्राचार्य नेकपा एमाले ललितपुर महानगगरपालिका उम्मेदवारको लागि भोट माग्न घरघर पुग्नुभएको छ ।
एमालेको घरदैलो अभियानमा सहभागि हुदै ८६ वर्षे बज्रचार्य आज बिहानैदेखि ललितपुर महानगरपालिकाको २० नम्बर वडाका विभिन्न टोलमा मत माग्नुभएको थियो । उहाँले लालिपुरमा २१ वर्ष सम्म मेयरको वागडोर सम्हाल्नुभएको छ ।
उहाँ मेयरका उम्मेद्दार हरीकृष्ण ब्यञ्जनकार र उपमेयर मञ्जली शाक्य, वडाका अध्यक्षका उम्मेद्दार इन्द्रमुनी बज्राचार्य र वडा सदस्यका उम्मेद्धार सहित आज बिहान घरदैलो अभियानमा लाग्नुभएको हो ।
पुर्वमन्त्री समेत रहनुभएका बज्राचार्यले ललितपुर महानगरपालिकालाई सांस्कृतिक महानगर बनाउन एमाले विजयी हुनुपर्नेमा जोड दिनुभयो । यसैगरी उपमेयरका उम्मेद्दार मञ्जली शाक्यले उहाँको साथ,सहयोग र हौसलाले निर्वाचनमा जित हासिल गर्न सकिने बताउनुभयो ।
त्यस्तै वडा अध्यक्षका उम्मेद्दार इन्द्रमुनी बज्राचार्यले पुर्वमन्त्री बज्राचार्यको प्रेरणा र महानिर्देशनबाट आफूहरुले यो निर्वाचनमा विजयी हासिल गर्ने वताउनुभयो ।
