काठमाडौ, फागुन १४

कमल थापाको नेतृत्वमा राप्रपा नेपाल पुनर्जागृत भएको केहीदिनमै यस पार्टीमा युवाहरुको आकर्षण बढ्दै गएको छ । भर्खरै केन्द्रीय कार्य समिति निर्माण, जिल्ला कार्य समितिहरुको विस्तार गर्दै संगठन गर्न थालेको राप्रपा नेपालमा काठमाडौंको तारकेश्वर नगपालिकाका १ सय बढी युवाहरु स्वतःस्पूmर्त रुपमा प्रवेश गरेका छन् । तारकेश्वरमा युवामाझ लोकप्रीय मानिएका नेता तथा राप्रपा नेपालका केन्द्रीय सदस्य राजकुमार खड्काको सहजिकरणमा सयौं युवाहरुले विभिन्न दल परित्याग गर्दै राप्रपा नेपालमा समाहित भएका हुन् । नवप्रवेशीहरुले काठमाडौं उपत्यकालाई राप्रपा नेपालको पुरानै किल्लामा फर्काउने महान उदेश्य लिएर उर्जाका साथ राप्रपा नेपालमा प्रवेश गरेको बताएका छन् । अघिल्लो आम निर्वाचनमा उपत्यकाबाट राप्रपा नेपालले अत्यधिक मत प्राप्त गरेको थियो ।

राप्रपा नेपालका केन्द्रीय सदस्य कैलाश कटुवालको प्रमुख आथित्यतामा आयोजित पार्टी प्रवेश कार्यक्रममा केन्द्रीय सदस्यहरु पुरु दाहाल, मिरा महर्जन, दामोदर वाग्ले लगायतका नेताहरुको उपस्थिती रहेको थियो ।