आधारभूमि संवाददाता
काठमाडौँ १२ फागुन
च्याम्पियन्स लिग फुटबलको अन्तिम १६ को पहिलो लेगमा म्यानचेस्टर युनाईटेड र एट्लेटिको मड्रिड बराबरीमा रोकिएका छन् ।बुधबार राति भएको खेलमा युनाईटेड र एट्लेटिको मड्रिडले १-१ गोलको बराबरी खेल्दै अंक बाँडेका हुन् ।
खेलमा युनाईटेडको लागि एन्थोनी एलंगाले एक गोल गरे भने एट्लेटिको मड्रिडको लागि जोआओ फेलिक्सले एक गोल गरेका थिए।
खेलमा पहिलो अग्रता एट्लेटिको मड्रिडले लिएको थियो । खेलको सातौं मिनेटमा जोआओ फेलिक्सले गोल गर्दै युनाईटेडलाई अग्रता दिलाएका थिए।
तर, खेलको ८० औं मिनेटमा युनाईटेडका एन्थोनी एलंगाले गोल गर्दै खेल बराबरीमा फर्काए र टोलीलाई हारबाट जोगाए ।
अब दोस्रो लेग मार्च १६ मा युनाईटेडको घरेलु मैदानमा हुनेछ ।
