आधारभूमि संवाददाता
काठमाडौँ १२ फागुन
इंग्लिस प्रिमियर लिग फुटबलमा लिभरपुलले फराकिलो जित निकालेको छ । बुधबार राति घरेलु मैदानमा भएको खेलमा लिभरपुलले लीड्स युनाईटेडलाई ६-० गोलले पराजित गरेको हो ।
एनफिल्डमा लिभरपुललाई जित दिलाउन मोहम्मद सलाह र साडियो मानेले दुई-दुई गोल गरे भने जोएल माटिप र भर्जिल भ्यान डाइकले एक-एक गोल गरे ।
खेलको १५ औं मिनेटमा सलाहले पेनाल्टीमा गोल गर्दै टोलीलाई सुरुवाती अग्रता दिलाएका थिए ।
खेलको ३० औं मिनेटमा जोएल माटिपले गोल गर्दै टोलीको अग्रता दोब्बर पारे।
खेलको ३५ औं मिनेटमा सलाहले पेनाल्टीमा व्यक्तिगत दोस्रो गोल गर्दै टोलीलाई ३-० ले अघि बढाए।
दोस्रो हाफको ८० औं मिनेटमा साडियो मानेले गोल गर्दै टोलीलाई ४-० ले अघि बढाए।
खेलको ९० औं मिनेटमा मानेले व्यक्तिगत दोस्रो गोल गर्दै टोलीलाई ५-० ले अघि बढाए।
त्यसपछि इन्जुरी समयको तेस्रो मिनेटमा भर्जिल भ्यान डाइकले गोल गर्दै टोलीलाई ६-० को फराकिलो जित दिलाए ।
जितसंगै लिभरपुलले २६ खेलबाट ६० अंक जोडेको छ र दोस्रो स्थानमा छ ।पराजित लीड्स युनाईटेडको २५ खेलबाट २३ अंक छ र १५ औं स्थानमा छ ।
