आधारभूमि संवाददाता

काठमाडौं, फागुन ९
आज सुनको मूल्य घटेको छ । आइतबार तोलामा ९६ हजार ६०० मा कारोवार भएको छापावाल सुन आज प्रतितोला ४०० ले घटेर ९६ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले घटेर ९५ हजार ७०० मा कारोवार भएको छ । यस अघि आइतबार तेजावी सुन रु ९६ हजार १०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ५ ले घटेर रु एक हजार ३०० तोकिएको महासङ्घले जनाएको छ । यस अघि आइतबार चाँदी रु एक हजार ३०५ मा कारोवार भएको थियो ।