आधारभूमि संवाददाता
काठमाडौ, फागुन १
इंग्लिस प्रिमियर लिग फुटबलमा म्यानचेस्टर युनाईटेड साउथह्याम्प्टनसँग बराबरीमा रोकिएको छ । शनिबार राति घरेलु मैदानमा भएको खेलमा सुरुआती अग्रता जोगाउन नसक्दा युनाईटेड र साउथह्याम्प्टनले १-१ गोलको बराबरी खेल्दै अंक बाँडेका हुन् ।
ओल्ड ट्राफोर्डमा युनाईटेडको लागि जाडोन सान्चोले एक गोल गरे भने साउथह्याम्प्टनको चे एडम्सले एक गोल गरेका थिए।
खेलमा पहिलो अग्रता युनाईटेडले लिएको थियो । खेलको २१ औं मिनेटमा जाडोन सान्चोले गोल गर्दै युनाईटेडलाई अग्रता दिलाएका थिए।
तर, खेलको ४८ औं मिनेटमा साउथह्याम्प्टनका चे एडम्सले गोल गर्दै खेल बराबरीमा फर्काए र टोलीलाई हारबाट जोगाए ।
बराबरीसँगै युनाईटेडको २४ खेलबाट ४० अंक छ र पाँचौं स्थानमा छ।साउथह्याम्प्टनको २४ खेलबाट २९ अंक छ र दशौं
स्थानमा छ।
