काठमाडौ, माघ २५
भृकुटिमण्डप क्षेत्र लाई व्यवस्थित गर्न सरकार द्रुत गतिमा अघि बढेको महिला, बालबालिका तथा ज्येष्ठ नागरिक मन्त्री उमा रेग्मीले बताएकीछन । मंगलबार भृकुटिमण्डप क्षेत्रको निरिक्षण गर्नुहुँदै मन्त्री रेग्मीले बिचौलिया मार्फत हुने कारोबार रद्ध गरेर सोझै परिषद मार्फत नै भाडा सम्झौता हुने व्यवस्था मिलाउन लागिएको बताएकी हुन ।
समाज कल्याण परिषद अध्यक्ष समेत रहनुभएका मन्त्री रेग्मीले अब्यवस्थित रुपमा रहेका घर टहरा, तरकारी बजार, फनपार्कको उचित व्यवस्थापनका साथै खाली रहेका जग्गा जमीनलाई उपयोग गर्ने रणनिति समेत बनाएको बताईन । तरकारी बजार, फनपार्क, होटल लगायतमा उचित व्यवस्थापन छैन भन्ने गुनासो आएको थियो, आफ्नै आँखाले छर्लङ्ग देखेु, उनले भनिन, अब छिट्टै नतिजा देख्नु हुनेछ ।
कतिपय संस्थाले लामो समय सम्म पनि भाडा नतिरेको बताउनु हुदैं मन्त्री रेग्मीले पैसा नतिर्ने अटेर गरि बस्ने, जग्गाको दुरुपयोग गर्ने र अनियमित किसिमले अधिग्रहण गर्नेलाई कारवाही गरिने समेत बताईन । भृकुटीमण्डपको हङकङ बजारलाई व्यवस्थित बनाउन तत्काल टिनको छानोको व्यवस्था गर्ने उहाँको योजना छ ।मन्त्री रेग्मीले भृकुटिमण्डप क्षेत्रको टुकुचा, खसी बजार, फन पार्क हंकंग बजार, प्रदर्शनी स्थल लगायतको निरिक्षण गरेकी थिईन ।
