आधारभूमि संवाददाता
काठमाडौ, माघ २२
म्यानचेस्टर युनाईटेड एफए कप फुटबलबाट बाहिरिएको छ ।एफए कपको चौंथो चरणको खेलमा च्याम्पियनसिप क्लब मिड्ल्सब्रोसँग युनाईटेड पेनाल्टी सुटआउटमा ८-७ ले पराजित भएको हो ।
निर्धारित समय र अतिरिक्त समय सम्म १-१ गोलको बराबरी खेलेपछि खेल पेनाल्टीबाट छिनोफानो भएको थियो ।जसमा मिड्ल्सब्रोले बाजि मारेको हो
पेनाल्टीमा जानू अघि खेलको २५ औं मिनेटमा जाडोन सान्चोले गोल गर्दै युनाईटेडलाई सुरुवाती अग्रता दिलाएका थिए।
तर,खेलको ६४ औं मिनेटमा मिड्ल्सब्रोका म्याट क्रूक्सले गोल गर्दै खेल १-१ को बराबरीमा फर्काएका थिए ।
त्यसअघि क्रिस्टियानो रोनाल्डोले खेलको २० औं मिनेटमा पेनाल्टीमा गोल गर्न चुकेका थिए । उनको प्रहार बाहिरियको थियो।
