आधारभूमि संवाददाता
काठमाडौ १३ माघ
पछिल्लो २४ घन्टामा काठमाडौं उपत्यकामा मात्र ३ हजार १ सय ४३ जना संक्रमित थपिएका छन्। स्वाथ्य तथा जनसंख्या मन्त्रालयका अनुसार विहीबार थपिएका उपत्यकाका संक्रमित मध्ये काठमाडौंमा २४०२, भक्तपुरमा २२० र ललितपुरमा ५२१ जना रहेका छन्।
यस्तै काठमाडौं उपत्यकामा ५४ हजार ८६३ सक्रिय संक्रमित रहेको मन्त्रालयले जनाएको छ । । जसमध्ये काठमाडौंमा ३८८५९, ललितपुरमा १०३९० र भक्तपुरमा ५६१४ सक्रिय संक्रमित छन्।
हाल देशभर ९० हजार ५७६ जना कोरोनाका सक्रिय संक्रमित रहेको मन्त्रालयले जनाएको छ ।
स्वास्थ्य मन्त्रालयले पछिल्लो २४ घण्टामा ८ हजार १७ जनामा कोरोना भाइरस कोभिड१९० को संक्रमण पुष्टि भएको छ जनाएको छ । यस्तै सोही अवधिमा ५ हजार २१९ जना निको भएका छन् ।
