आधारभूमि संवाददाता
काठमाडौँ, १३ माघ
आज सुनको मूल्य घटेको छ । बुधबार तोलामा ९४ हजार ४०० मा कारोवार भएको छापावाल सुन आज प्रतितोला ९०० ले घटेर ९३ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ९०० ले घटेर ९३ हजारमा कारोवार भएको छ । यस अघि बुधबार तेजावी सुन रु ९३ हजार ९०० मा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार २९० तोकिएको महासङ्घले जनाएको छ । यस अघि बुधबार चाँदी रु एक हजार ३०० मा कारोवार भएको थियो ।
