आधारभूमि संवाददाता
काठमाडौं, माघ १०
इंग्लिस प्रिमियर लिग फुटबलमा लिभरपुलले सहज जित निकालेको छ। आइतबार भएको खेलमा लिभरपुलले क्रिस्टल प्यालेसलाई उसकै घरेलु मैदानमा ३-१ गोलले पराजित गरेको हो ।
लिभरपुललाई जित दिलाउन भर्जिल भ्यान डाइक,एलेक्स चेम्बरलेन र फबिन्होले एक-एक गोल गरे ।क्रिस्टल प्यालेसका ओडसन एडवार्डले एक गोल गरे ।
खेलको आठौं मिनेटमा भर्जिल डाइकले गोल गर्दै टोलीलाई सुरुवाती अग्रता दिलाएका थिए।
खेलको ३२ औं मिनेटमा एलेक्स चेम्बरलेनले गोल गर्दै टोलीलाई २-० ले अघि बढाए।
दोस्रो हाफको ५५ औँ मिनेटमा क्रिस्टल प्यालेसका ओडसन एडवार्डले गोल गर्दै खेल २-१ को स्थितिमा ल्याए।
त्यसपछि खेलको ८९ औँ मिनेटमा लिभरपुलका फबिन्होले गोल गर्दै टोलीलाई ३-१ को सहज जित दिलाए ।
जितसँगै लिभरपुलले २२ खेलबाट ४८ अंक जोडेको छ र तालिकाको दोस्रो स्थानमा छ ।पराजित क्रिस्टल प्यालेसको २२ खेलबाट २४ अंक छ र तालिकाको १३ औँ स्थानमा छ ।
