आधारभूमि संवाददाता

काठमाडौँ, ७ माघ
आज ​सुनको मूल्य बढेको छ । बिहीबार तोलामा ९३ हजार ७०० मा कारोवार भएको छापावाल सुन आज प्रतितोला १०० ले बढेर ९३ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १०० ले बढेर ९३ हजार ३०० मा कारोवार भएको छ । यस अघि बिहीबार तेजावी सुन रु ९३ हजार २०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले बढेर रु एक हजार ३२५ तोकिएको महासङ्घले जनाएको छ ।यस अघि बिहीबार चाँदी रु एक हजार ३१५ मा कारोवार भएको थियो ।