काठमाडौ, पुस २९
नेपाल क्रेडिट एण्ड कमर्स बैंक लिमिटेडको २४ औं वार्षिक साधारण सभा सम्पन्न नभएको छ । बैंक सञ्चालक समितिका अध्यक्ष उपेन्द्र केशरी न्यौपानेको सभापतित्वमा बैकले बिहिबार बार्षिक साधारण सभा सम्पन्न गरेको हो ।
सभाले आर्थिक वर्ष २०७७–०७८को मुनाफाबाट आठ प्रतिशत बोनस शेयर र सो बोनस शेयर जारी गर्दा लाग्ने कर प्रयोजनको लागि चुक्ता पूँजीको शुन्य दसमलव ४२ प्रतिशत नगद लाभांश वितरण गर्ने प्रस्ताव सर्वसम्मतरुपमा पारित गरेको छ । सभाबाट पारित आठ प्रतिशत बोनस शेयर वितरण पश्चात बैंकको चुक्ता पुंजी ११ अर्ब १३ करोड ९६ लाख ७८ हजार १४ रुपैयाँ पुग्ने भएको छ ।
सभाले आर्थिक वर्ष २०७८–०७९को लेखापरीक्षण कार्यका लागि प्रधान एण्ड शाक्य एसोसिएटस्, चार्टर्ड एकाउन्टेन्टस्लाई लेखापरीक्षकमा नियुक्त गर्ने निर्णय गरेको छ । बैंकले आर्थिक वर्ष २०७७–०७८मा एक खर्ब १० अर्ब ८० करोड रुपैयाँ निक्षेप परिचालन गरी ९८ अर्ब ३२ करोड खुद कर्जा प्रवाह गरेको छ । साथै उक्त आर्थिक वर्षमा कर तथा बोनस पछि एक अर्ब ३३ करोड रुपैयाँ खुद मुनाफा आर्जन गरेको छ ।
देशैभर शाखा सञ्जाल फैलिएको एनसीसी बैंकले ७ वटै प्रदेशमा गरी १३७ शाखा १२ वटा एक्स्टेन्सन काउन्टर र ११४ वटा एटिएम वुथहरु सञ्चालन गरीे ग्राहकहरुलाई स्तरीय सेवा प्रदान गर्दै आएको छ ।
