आधारभूमि संवाददाता

काठमाडौ २७ पुस

आज ​सुनको मूल्य बढेको छ । सोमबार तोलामा ९१ हजार ३०० मा कारोवार भएको छापावाल सुन आज प्रतितोला ३०० ले बढेर ९१ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले बढेर ९१ हजार १०० मा कारोवार भएको छ । यस अघि सोमबार तेजावी सुन रु ९० हजार ८०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले बढेर रु एक हजार २३० तोकिएको महासङ्घले जनाएको छ ।यस अघि सोमबार चाँदी रु एक हजार २२० मा कारोवार भएको थियो ।