आधारभूमि संवाददाता
काठमाडौ, १६ पुस
शुक्रबार थप २३५ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा नौ हजार ८४ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख २८ हजार ४३१ पुगेको छ ।
त्यस्तै पछिल्लो २४ घण्टामा पीसीआर विधिबाट नौ हजार ८४ जनाको परीक्षण भएको छ । हालसम्म ४८ लाख ५९ हजार ३५५ जनाको पीसीआर परीक्षण गरिएको छ।
थप २१२ जना डिस्चार्ज
नेपालमा पछिल्लो २४ घण्टामा २१२ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या आठ लाख ११ हजार ९५८ पुगेको छ ।
थप चार को मृत्यु
पछिल्लो २४ घण्टामा चार जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ५९४ पुगेको छ।
