आधारभूमि संवाददाता
काठमाडौँ,१६ पुस
इंग्लिस प्रिमियर लिग फुटबलमा म्यानचेस्टर युनाईटेडले बर्नलीमाथि जित निकालेको छ । घरेलु मैदानमा बिहीबार राति भएको खेलमा युनाईटेडले बर्नलीलाई ३–१ गोलले पराजित गरेको हो ।
ओल्ड ट्राफोर्डमा युनाईटेडलाई जित दिलाउन स्कट म्याकटोमिने र क्रिस्टियानो रोनाल्डोले एक-एक गोल गरे।युनाईटेडले एक गोल आत्मघाती उपहार पाएको हो ।
खेलको आठौं मिनेटमा स्कट म्याकटोमिनेले गोल गर्दै टोलीलाई सुरुवाती अग्रता दिलाएका थिए।
खेलको २७ औं मिनेटमा बर्नलीका बने मिले आत्मघाती गोल गरे पछि युनाईटेड २-० ले अघि बढ्यो।
खेलको ३५ औं मिनेटमा क्रिस्टियानो रोनाल्डोले गोल गर्दै टोलीलाई ३-० ले अघि बढाए।
खेलको ३८ औं मिनेटमा बर्नलीका आरोन लेननले गोल गर्दै खेल ३-१ को स्थितिमा ल्याए।
त्यसपछि बाकी समयमा कुनै गोल हुन सकेन र युनाईटेडले जित निकालेको हो ।
जितसँगै युनाईटेडले १८ खेलबाट ३१ अंक जोडेको छ र तालिकाको छैटौं स्थानमा छ । पराजित बर्नलीको १६ खेलबाट ११ अंक छ र १८ औं स्थानमा छ ।
