आधारभूमि संवाददाता
काठमाडौं, पुष ५
इंग्लिस प्रिमियर लिग फुटबलमा लिभरपुल टोटेनहमसँग बराबरीमा रोकिएको छ ।आइतबार राति टोटेनहमको घरेलु मैदानमा भएको खेलमा लिभरपुल र टोटेनहमले २–२ गोलको बराबरी खेल्दै अंक बाँढेका हुन्।
टोटेनहमको घरेलु मैदानमा लिभरपुलको लागि डिएगो जोटा र एन्ड्रयू रोबर्टसनले एक-एक गोल गरे भने टोटेनहमको लागि ह्यारी केन र सन ह्युङ मिनले एक-एक गोल गरेका थिए।
खेलमा पहिलो अग्रता टोटेनहमले लिएको थियो । खेलको १३औं मिनेटमा ह्यारी केनले गोल गर्दै टोटेनहमलाई अग्रता दिलाएका थिए।
खेलको ३५ औं मिनेटमा लिभरपुलका डिएगो जोटाले गोल गर्दै खेल बराबरीमा फर्काए ।
दोस्रो हाफको ६९ औं मिनेटमा एन्ड्रयू रोबर्टसनले गोल गर्दै लिभरपुललाई २-१ ले अघि बढाए।
तर, खेलको ७४ औं मिनेटमा टोटेनहमका सन ह्युङ मिनले गोल गर्दै खेल २-२ को बराबरीमा फर्काए र टोलीलाई हारबाट जोगाए ।
खेलको ७७ औं मिनेटमा लिभरपुल १० खेलाडीमा समेटिएको थियो ।लिभरपुलका एन्ड्रयू रोबर्टसनले रातो कार्ड पाउँदै मैदान छाड्न परेको थियो।जसको फाइदा टोटेनहमले उठाउन सकेन ।
बराबरीसँगै लिभरपुलको १८ खेलबाट ४१ अंक छ र तालिकाको दोस्रो स्थानमा छ। टोटेनहमको १५ खेलबाट २६ अंक छ र सातौं स्थानमा छ ।