आधारभूमि संवाददाता
काठमाडौं, पुष ४
स्पेनिस ला लिगा फुटबलमा सेभिल्लाले जित निकालेको छ । शनिबार राति भएको खेलमा सेभिल्लाले एट्लेटिको म्याड्रिडलाई २-१ गोलले पराजित गरेको हो ।
घरेलु मैदानमा सेभिल्लालाई जित दिलाउन इवान राकिटिक र लुकास ओकाम्पोसले एक-एक गोल गरे ।एट्लेटिको म्याड्रिडका फेलिपले एक गोल गरे ।
खेलको सातौं मिनेटमा इवान राकिटिकले गोल गर्दे टोलीलाई अग्रता दिलाएका थिए।
खेलको ३३ औँ मिनेटमा एट्लेटिको म्याड्रिडका फेलिपले गोल गर्दे खेल बराबरीमा फर्काए ।
तर, खेलको ८८ औँ मिनेटमा लुकास ओकाम्पोसले गोल गर्दै टोलीलाई २-१ को जित दिलाए ।
जितसंगै सेभिल्लाले १७ खेलबाट ३७ अंक जोडेको छ र दोस्रो स्थानमा छ ।पराजित एट्लेटिको म्याड्रिडको १७ खेलबाट २९ अंक छ र पाँचौं स्थानमा छ ।